Ferramenta de axuda ao deseño de bases de datos que consiste na representación dos distintos obxectos que pertencen á base de datos (denominados entidades), as súas propiedades (denominadas atributos) e as relacións entre as distintas entidades (incluíndo posibles restricións), resultando que entre os atributos de cada entidade haberá un ou varios que, en conxunto, conformarán a clave, conxunto de datos que identificará de xeito único cada rexistro incluído nesa entidade.
Categoría Gramatical:
locución substantiva masculina (caracol de mar)
Sinónimos:
diagrama entidade-relación
Abreviatura:
E-R; modelo E-R; diagrama E-R
Exemplo:
Antes de comezar a crear táboas nunha base de datos é preciso deseñalas segundo o modelo E-R para garantir a correcta definición da mesma.Información complementaria:
Estes diagramas son fundamentais no deseño dunha base de datos.
Segundo fagamos as relacións entre as táboas e os campos obteremos formas canónicas das relacións entre elas.
As relacións entre entidades poden ser:
1:1, onde un elemento da entidade A se corresponde exactamente cun elemento da entidade B e viceversa
1:N, onde un elemento da entidade A se pode relacionar con varios elementos da entidade B, pero un elemento da entidade B só se corresponde cun único elemento de A
N:M, onde un elemento da entidade A se pode relacionar con varios elementos da entidade B e viceversa.
