PageRank

O motor de busca de Google percorre todas as webs que coñece e visita todas as ligazóns que atopa nese percorrido, dese xeito engade novas páxinas que vai atopando aos seus resultados. Cada vez que atopa unha ligazón, Google asume esa ligazón coma un "voto" a favor da páxina enlazada. Cantas máis ligazóns apunten a unha determinada páxina máis votos terá, e máis importante será. Pero para limitar usos abusivos, outorga distinto peso a cada páxina, de xeito que o "voto" dunha web importante, terá máis peso que o doutra menos importante. Ademais, o peso dos votos diminúe cantas máis ligazóns saíntes ten unha páxina. Entón, interésanos ter moitas ligazóns apuntando á nosa web, que proveñan de webs importantes e que esas webs teñas poucas ligazóns saíntes. Con estes tres parámetros Google calcula un valor chamado PageRank. O único xeito de coñecer o PageRank dunha web é mediante a instalación da barra de Google no explorador web. Porén ese valor mostrado (entre 0-10) será unha medida de tipo algorítmico do PageRank exacto, calculado do seguinte xeito: PR1 = 0.00000001 ata 5 PR2 = 6 ata 25 PR3 = 25 ata 125 PR4 = 126 ata 625 PR5 = 626 ata 3125 PR6 = 3126 ata 15625 PR7 = 15626 ata 78125 PR8 = 78126 ata 390625 PR9 = 390626 ata 1953125 PR10 = 1953126 ata infinito.