Sistema Global de Navegación por Satélite desenvolvido por Rusia.
Categoría Gramatical:
outros nomes propios que non sexan nin antropónimos nin institucións
Información complementaria:
Representa a contrapartida ao GPS estadounidense e ao futuro Galileo europeo. Consta dunha constelación de 24 satélites (21 en activo e 3 satélites de reposto) situados en tres planos orbitais con 8 satélites cada un e seguindo unha órbita inclinada de 64,8º cun raio de 25510 quilómetros. A constelación de GLONASS móvese en órbita ao redor da Terra cunha altitude de 19.100 quilómetros (algo máis baixo que o GPS) e tarda aproximadamente 11 horas e 15 minutos en completar unha órbita. O sistema está a cargo do Ministerio de Defensa da Federación Rusa.
Ver tamén:
Galileo; sistema de posicionamento global; sistema global de navegación por satélite
