'Sistema de telecomunicacións móbil universal', evolución do estándar de comunicacións móbiles GSM para lograr maiores velocidades de transmisión que unidas aos novos servizos que poden permitir (comunicacións multimedia: mensaxes multimedia, videoconferencia, acceso a internet móbil, etc.) dan lugar a unha nova xeración de servizos móbiles coñecida como 3G.
Categoría Gramatical:
locución substantiva inglesa que non sexa nome comercial (Christian's expertise)
Sinónimos:
n/a
Abreviatura:
UMTS
Exemplo:
O UMTS permitiulles ás comunicacións móbiles entrar nunha nova xeración aínda que se tardou un tempo considerable en ter equipos fiables e nos primeiros anos non cumpriu as expectativas depositadas.Información complementaria:
O UMTS utiliza unha nova forma de xestionar a canle radio entre o terminal e a estación base chamada W-CDMA (Wideband Code Division Multiple Access). Con esta tecnoloxía é posible alcanzar velocidades de ata 2 Mbps.
Aínda que UMTS prevé a implantación de servizos de voz de alta calidade parece que esta parte interesa menos aos operadores e usuarios polo que actualmente a voz segue funcionando co estándar GSM e UMTS queda reservado a servizos de datos. Os modernos terminais 3G son capaces de funcionar cos dous estándares.
Ver tamén:
servizo xeral de radiocomunicación por paquetes; sistema global de comunicacións móbiles; terceira xeración
