antena motorizada

Cando se apunta a un obxecto móbil (por exemplo, satélites de observación de órbita polar) necesítase tamén un sistema de auto-tracking, normalmente un ordenador, que calcula os ángulos de apuntamento e move a antena consecuentemente. Outro exemplo tipico son as antenas parabólicas de recepción de televisión por satélite que poden xirar, de xeito que nese xiro a antena vai apuntando a diferentes posicións da órbita xeoestacionaria onde están os satélites de televisión directa. Cunha antena deste tipo podemos cambiar fácilmente dun satélite ao outro e tamén ter servizo nunha ubicación móbil (como un barco). A antena pode ter a opción de memorizar as posicións para logo volver a utilizalas.