Sistema de división de programas nun sistema operativo baseado nunha técnica de xestión de memoria, encaixándoos nos marcos de páxina, de xeito que a memoria desperdiciada por un proceso está soamente ao final da súa última páxina, minimizando a fragmentación interna e evitando a externa.
Categoría Gramatical:
locución substantiva feminina (axencia de seguros)
Sinónimos:
n/a
Abreviatura:
n/a
Exemplo:
n/aInformación complementaria:
Nun momento calquera, a memoria atópase ocupada con páxinas de diferentes procesos, mentres que algúns marcos están dispoñibles para o seu uso. O sistema operativo mantén unha lista destes últimos marcos, e unha táboa por cada proceso onde consta en que marco se atopa cada páxina do proceso. As páxinas dun proceso poden non estar contiguamente situadas en memoria e poden intercalarse coas páxinas doutros procesos. Na táboa de páxinas dun proceso atópase a situación do marco que contén cada unha das súas páxinas. As direccións lóxicas nótanse como un número de páxina e un desprazamento dentro desa páxina (coñecido comunmente como offset). O número de páxina é usado como un índice dentro da táboa de páxinas e, unha vez obtida a dirección do marco de memoria, utilízase o desprazamento para compoñer a dirección real ou dirección física. Deste xeito, cando un proceso se carga en memoria, cárganse tódalas súas páxinas en marcos libres e complétase a súa táboa de páxinas.
