'Sistema de arquivos de nova tecnoloxía', sistema de arquivos para discos duros grandes que utiliza un tamaño de clúster máis reducido que o antigo sistema FAT32, o que lle permite minimizar o espazo de disco desperdiciado e reducir a fragmentación de arquivos.
Categoría Gramatical:
nome propio co que un produto que se vende, comercializa, publicita ou distribúe
Abreviatura:
NTFS
Información complementaria:
O NTFS é utilizado polos sistemas operativos Windows NT, Windows 2000, Windows 2003, Windows XP e Windows Vista e non é compatible con versións anteriores do mesmo (Windows 9x). Resulta máis eficiente que FAT32 nese sentido, pero menos fiable porque pode dar problemas á hora de recoñecer particións de datos NTFS unha vez que se formata a partición do sistema operativo. Ao reducir a fragmentación dos arquivos, a desfragmentación do disco duro, aínda que sexa de gran capacidade, lévase a cabo de forma relativamente rápida (dependendo do tamaño do disco e do estado de fragmentación deste).
Ver tamén:
desfragmentación; disco duro; sistema de arquivos; 32-bit File Allocation Table;
